PAYREUTHUM

PAYREUTHUM

seu Beruthum, vulgo Bareith, castrum Francongiae, cum ditioneadiacente, sub proprio Principe, ex Familia Zollerio Brandeburgica. Lineae huius Beruthinae, ut vocat Spenerus, alias Secundae Franconicae vel Culmbacensis, conditor fuit Christianus, filius Iohannis Georgii, Electoris Brandeburg. ex Elisabetha Anhaltina, tertia eius coniuge, natus A. C. 1581. eque successione Georgii Friderici agnati in Franconia tractum montanum et ad Ayssum nactus. Conventui Lipsiensi interfuit A. C. 1630. O. biit A. C. 1655. a pietate et studio promovendi Scholas et Ecclesias commendatus. Pater fuit, ex Maria agnata, Alberti Friderici Borussiae Ducis filia, (praeter Annam Mariam, Iohanni Antonio Principi Eggenbergio Duci Crumaviae elocatam A. C. 1639. Magdalenam, Sibyllam Iohannis Georgii II. Electoris Saxon. uxorem) Erdmanni Augusti et Georgii Alberti. Quorum is natus A. C 1615. defunctus est A. c. 1651. Sponsus iterum sophiae Agnetis Ducis Megapolitanae, quam morte praeventus non duxit; ex Sophia patrueli Onoldsbacensi relictô filiô, Christianô Ernestô, qui genitus A. C. 1644. in aula Berolinensi primum fuit, inde Argentinensem Academiam invisit, A. c. 1657. hinc Galliâ, Italiâ, et Belgiô, perustratis, ad Electorem Brandeburgicum rediit. Domum postea reversus, administrationem provinciae suscepit et Comitia Ratisbonensia visitavit A. C. 1664. ducta prius Erdmutâ Sophiâ (Ioh. Georgii Electoris Saxoniae praefati filiâ) 1662. quâ brevi mortuâ Sophiam Ludovicam (Eberhardo Duce Wirtembergensi genitam) sibi iunxit, eque illa filias aliquot suscepit. Ipse, nuperô bellô, ex primis inter Principes, arma Caesareis adversus Gallos iunxit ac multâ fortitudinis laude variis expeditionibus interfuit: Imperii nomine in Exercitu, generali Vigiliarum curae praefectus. Patruus eius vitâ excessit A. C. 1665. relictis ex prima coniuge Mariâ Elisabethâ (filiâ Philippi Ducis Holsatiae, tribus filiis Erdmannô Philippô, A. C. 1659. Christianô Henricô, 1661. et Carolô Augustô A. C. 166 ... natis; ex altera vero Comite Solmensi, unicô filiô. Phil. Spenerus Syllog. General. Histor. in Fam. Zollerio Brandeb.